ഫോറകസ് ബേസിക്സ് -2

ഇത് വായിക്കുന്നതിനു മുന്‍പ്  ഫോറകസ് ബേസിക്സ് -1 എന്ന ഭാഗം വായിക്കുക 

           ഫോറകസ് ബേസിക്സ് -1 എന്ന മുന്‍ ബ്ലോഗില്‍ നമ്മള്‍ ഒരു ട്രേഡ് ചെയ്യുന്നതിനെപ്പറ്റിയും , ലിവറേജ് , മാര്‍ജിന്‍ , സ്വാപ് എന്നിവയെ കുറിച്ചും മനസ്സിലാക്കി. അതിന്‍റെ തുടര്‍ച്ച ആണ് ഈ ബ്ലോഗ്‌

           ഫോറകസ് ട്രേഡിംഗ് എന്നാല്‍ ഒരു കറന്‍സി കൊടുത്ത് മറ്റൊരു കറന്‍സി വാങ്ങുക എന്നാണ് .അതായത് ഒരേ സമയം ഒരു കറന്‍സി വാങ്ങുകയും മറ്റൊന്ന് വില്കുകയും ചെയ്യുന്നു.അത് കൊണ്ട് തന്നെ കറന്‍സി എപ്പോഴും ക്വോട്ട് ചെയ്യുന്നത് 2 വ്യത്യസ്ത കറന്‍സികള്‍ അടങ്ങിയ ഒരു ജോഡി ആയാണ്. ഇതിനെ കറന്‍സി പെയര്‍ എന്ന് വിളിക്കും. EUR/USD ,GBP/JPY തുടങ്ങിയവ ഉദാഹരണം.

   രണ്ടു വ്യത്യസ്ഥ കറന്‍സി കളുടെ ഒരു ജോഡി ആയാണ് ക്വോട്ട് ചെയ്യുക എന്ന് പറഞ്ഞുവല്ലോ,ഈ പെയറിലെ ആദ്യ കറന്‍സിയെ ബേസ് കറന്‍സി എന്നും രണ്ടാമത്തെ കറന്‍സിയെ ക്വോട്ട് കറന്‍സി എന്നും പറയും.ഉദാഹരണമായി EUR/USD എന്ന ജോഡിയില്‍ യുറോ ബേസ് കറന്‍സിയും ഡോളര്‍ ക്വോട്ട് കറന്‍സിയും ആണ്.GBP/USD=1.6550 എന്ന ക്വോട്ട് കണ്ടാല്‍ അതിനര്‍ത്ഥം .ഒരു പൌണ്ട് GBP വാങ്ങിക്കാന്‍ 1.6550 ഡോളര്‍ ആവശ്യമുണ്ട് എന്നാണ്.ഈ വില കൂടുമ്പോള്‍ അതിനര്‍ത്ഥം GBP യുടെ മൂല്യം കൂടുന്നു എന്നും ഡോളറിന്റെ മൂല്യം കുറയുന്നു എന്നുമാണ്.

  ബിഡ് ,ആസ്ക്‌ ,സ്പ്രെഡ് ഇവ എന്താണ് എന്ന് നോക്കാം

ഒരു  ക്വോട്ടില്‍ എല്ലായ്പോഴും  രണ്ടു വിലകള്‍ കാണാം (മുകളിലെ ചിത്രം ശ്രദ്ധിക്കുക )" ബിഡ്" പ്രൈസ് , "ആസ്ക്‌ " പ്രൈസ് എന്നിവയാണ് ഇവ. നമ്മുടെ കയ്യിലുള്ള കറന്‍സിയെ മാര്‍കറ്റ്‌ അല്ലെങ്കില്‍ ബ്രോകര്‍ വാങ്ങിക്കാന്‍ തയ്യാറുള്ള ഒരു വില അതാണ് ബിഡ് പ്രൈസ് .അതായത് ബിഡ് പ്രൈസിന ആണ് നമ്മുടെ കയ്യിലുള്ള കറന്‍സി നാം വില്പന നടത്തുന്നത്. ആസ്ക്‌ പ്രൈസ് എന്നാല്‍ വിപണിയില്‍ നിന്നും നമുക്ക് കറന്‍സി വാങ്ങിക്കാന്‍ നാം മുടക്കേണ്ട തുക.ഇത് ഇപ്പോഴും ബിഡ് പ്രൈസിനെക്കാള്‍ കൂടുതല്‍ ആയിരിക്കും.

               ഒരു ഉദാഹരണം നോക്കാം . euro/usd ക്വോട്ട്  1.3775/1.3777 എന്നാണെങ്കില്‍, ഇതില്‍ ആദ്യത്തെ വില ബിഡും വലതു വശത്തെ വില ആസ്കും ആണ് .അതായതു നിങ്ങളുടെ കയ്യില്‍ ഈ പെയര്‍  ഉണ്ടെങ്കില്‍ അത് നിങ്ങള്‍ക്ക്  1.3775 എന്ന വിലക്ക് വില്പന നടത്താം അതല്ല നിങ്ങള്‍ വാങ്ങുക ആണെങ്കില്‍ 1.3777 കൊടുക്കേണം .

               ബിഡും ആസ്കും തമ്മിലുള്ള ഒരു വില വ്യത്യാസം  നേരത്തെ സൂചിപ്പിച്ചല്ലോ ഇതിനെ ആണ് സ്പ്രെഡ്  എന്ന് പറയുന്നത്.ഇതിനെ വേണമെങ്കില്‍ ട്രേഡ് ചെയ്യാന്‍ നമ്മള്‍ കൊടുക്കുന്ന ബ്രോകരേജ് എന്നും വിശേഷിപ്പിക്കാം 

                                           Buy അഥവാ വാങ്ങല്‍ എന്ന പ്രക്രിയയെ 'ലോങ്ങ്‌ '(long) എന്നും വില്പനയെ "ഷോര്‍ട്ട്" എന്നും ചിലയിടത്ത് വിശേഷിപ്പിക്കാറുണ്ട് .

'ലോങ്ങ്‌ ' "ഷോര്‍ട്ട്"സ്പ്രെഡ്' " ബിഡ്" പ്രൈസ് , "ആസ്ക്‌ " പ്രൈസ്  "ബേസ് കറന്‍സി"  "ക്വോട്ട് കറന്‍സി" "കറന്‍സി പെയര്‍" ഇവ എന്താണെന്ന് ആണ് നാം ഇന്ന് ചര്‍ച്ച ചെയ്തത്.

*********************************************************************************

Risk Warning: Trading in forex and Contracts for Difference (CFDs) is highly speculative and involves a significant risk of loss. Such trading is not suitable for all investors so you must ensure that you fully understand the risks before trading. .

ഫോറെക്സ് CFD മാര്‍കറ്റ്‌  വളരെ സ്പെകുലടിവ്  ആയ ഒരു മേഖല ആണ് അത് കൊണ്ട് തന്നെ നിങ്ങളുടെ  investment പൂര്‍ണമായും നഷ്ടപ്പെടാനുള്ള സാദ്ധ്യതകള്‍ നിലനില്‍കുന്നു .അതിനാല്‍  പൂര്‍ണമായും നഷ്ടം വന്നാലും അത് നിങ്ങളുടെ ജീവിതത്തെ വിപരീതമായി ബാധിക്കാത്ത നീക്കിയിരുപ്പ് പണം മാത്രം ഈ രംഗത്ത് നിക്ഷേപിക്കുകയും പൂര്‍ണമായ ജാഗ്രതയോടെ പ്രവൃത്തിക്കുകയും ചെയ്യേണമെന്ന് അഭ്യര്‍ത്ഥിക്കുന്നു

  # ലേഖകന്‍ ഒരു ഫ്രീ ലാന്‍സ് ഐ ടി കണ്സല്‍ടന്റും, ഫോറെക്സ് ട്രേഡ്റും  ബ്ലോഗറും ആണ്  manojputhiyakunnath@yahoo.com എന്ന വിലാസത്തില്‍ ബന്ധപ്പെടാം

ഫോറെക്സ് ബേസിക്സ്- 1

എന്താണ് ഫോറെക്സ് ട്രേഡിംഗ് ഒരു കറന്‍സിക്കു മറ്റൊരു കറന്‍സിയെ അപേക്ഷിച്ച് മൂല്യത്തില്‍ ഉണ്ടാകുന്ന വ്യതിയാനങ്ങളെ മുതലെടുത്ത്‌ മാര്‍കറ്റില്‍ നിന്നും ലാഭം എടുക്കാനുള്ള ശ്രമത്തിനെ ആണ് ഫോറെക്സ് ട്രേഡിംഗ് എന്നത് കൊണ്ട് ഉദ്ദേശിക്കുന്നത് . ഉദാഹരണത്തിന് ഞാന്‍ ഇതെഴുതുന്നതിന് തൊട്ടുമുന്‍പുള്ള ഒരു അവസരത്തിലേക്ക് ശ്രദ്ധിക്കുക

12-02-2014 ഒരു ട്രേഡര്‍ ഒരു GBP/USD Trade ചെയ്യുന്നു എന്ന് സങ്കല്‍പിക്കുക. ഈ ദിവസത്തെ വിലയായ 1.6240 യ്ക്ക് 10000 പൌണ്ട് അദ്ദേഹം വാങ്ങിക്കുന്നു . തൊട്ടടുത്ത ദിവസം അതായതു 13-02-2014 നു വില 1.6650 ല്‍ എത്തിയപ്പോള്‍ അദ്ദേഹം അത് വില്പന നടത്തുന്നു . ഒരു ദിവസം കൊണ്ട് ഏകദേശം 310$ അദ്ദേഹം ലാഭം എടുക്കുന്നു .

അദ്ദേഹം എങ്ങിനെ ആണ് ലാഭം എടുത്തത്‌ എന്ന് മനസ്സിലായിക്കാണുമല്ലോ . ഇനി അദ്ദേഹത്തിന്റെ പ്രവൃത്തികള്‍ നമുക്ക് ഒന്ന് വിശകലനം ചെയ്യാം .12-) തിയ്യതി അദേഹം GBP/USD വാങ്ങിക്കുന്നു ,എന്ന് വച്ചാല്‍ അന്നത്തെ വില പ്രകാരമുള്ള 16240$ കൊടുത്ത് 10000 പൌണ്ട് അദ്ദേഹം വാങ്ങിക്കുന്നു .അഥവാ USD കൊടുത്ത് GBP വാങ്ങുന്നു .അടുത്ത ദിവസം വില കൂടിയപ്പോള്‍ അദ്ദേഹം അത് വില്പന നടത്തുന്നു അതായത് തലേന്ന് വാങ്ങിയ 10 000 പൌണ്ട് കൊടുത്ത് 16550$ വാങ്ങിക്കുന്നു അഥവാ GBP കൊടുത്ത് USD വാങ്ങിക്കുന്നു. 

               ഇത് വായിക്കുമ്പോള്‍ നിങ്ങളുടെ മനസ്സില്‍ ഉയരുന്ന പ്രധാന ചോദ്യം ഇതാകും. മേല്‍പറഞ്ഞ ഒരു ട്രേഡ് നു തന്നെ ഏകദേശം 15000$ (ഏകദേശം പത്തു ലക്ഷം രൂപ )വേണ്ടി വന്നു .അപ്പോള്‍ കയ്യില്‍ വളരെ അധികം പണം ഉള്ളവര്‍ക്ക് മാത്രമേ ട്രേഡ് ചെയ്യാന്‍ പറ്റുകയുള്ളൂ എന്നാണോ? അല്ല എന്നാണ് ഉത്തരം. ഇവിടെ ആണ് നിങ്ങളുടെ ബ്രോക്കര്‍ അത്യധികം സൌകര്യപ്രദമായ "ലിവറേജ്" എന്ന ഫീച്ചര്‍ നിങ്ങള്‍ക്ക് നല്‍കുന്നത് .1:50,1:100,1:200....തുടങ്ങി പല രീതിയിലും ഉള്ള ലിവറേജ് നിങ്ങളുടെ ബ്രോക്കര്‍ നിങ്ങള്‍ക്ക് നല്‍കും. 

              എന്താണ് ലിവരെജ് എന്ന് നോക്കാം .ഉദാഹരണത്തിന് നിങ്ങളുടെ ബ്രോക്കര്‍ നിങ്ങള്‍ക്ക് 1:100 നല്‍കുന്നു എന്നിരിക്കട്ടെ അതിനര്‍ത്ഥം ആവശ്യമുള്ള തുകയുടെ 1% മാത്രം അടച്ച് നിങ്ങള്‍ക്ക് ഒരു ട്രേഡ് എടുക്കാം എന്നതാണ്.ഈ ട്രേഡ് ക്ലോസ് ചെയ്യുന്നത് വരെ ഈ 1% "മാര്‍ജിന്‍" ആയി നിങ്ങളുടെ ബ്രോക്കര്‍ മാറ്റി വെയ്ക്കും ഇതിനു പുറമേ നിങ്ങള്‍ ലിവറേജ് ഉപയോഗിക്കുന്ന ദിവസങ്ങളില്‍ നിങ്ങളുടെ ബ്രോക്കര്‍ ഒരു ചെറിയ നിരക്ക് ചുമത്തിയേക്കാം ഇതിന് "സ്വാപ്പ് എന്ന് പറയും. 

                      ഇത് ഞാന്‍ ഒന്ന് കൂടി വിശദീകരിക്കാം .നിങ്ങളുടെ വീട്ടിനടുത്ത് ഒരു കെട്ടിടം വില്പനയ്ക്ക് ഇട്ടിരിക്കുന്നു , മൂന്നു കോടി രൂപ കൊടുത്താല്‍ അത് നിങ്ങള്‍ക്ക് വാങ്ങിക്കാം നാലോ അഞ്ചോ മാസങ്ങള്‍ക്കുള്ളില്‍ ഈ പ്രോപ്പര്ട്ടിക്ക് വന്‍ വില വര്‍ധന ഉണ്ടാകും എന്ന് നിങ്ങള്‍ പ്രതീക്ഷിക്കുന്നു . പക്ഷെ നിങ്ങളുടെ കയ്യില്‍ പത്തു ലക്ഷം രൂപ മാത്രമേ ഉള്ളു.നിങ്ങള്‍ കെട്ടിട ഉടമയെ കാണുന്നു മൂന്നു കോടി രൂപയ്ക്ക് സമ്മതം അറിയിക്കുകയും പത്തു ലക്ഷം രൂപ അഡ്വാന്‍സ്‌ കൊടുക്കുകയും ബാക്കി തുക 6 മാസത്തിനുള്ളില്‍ തരാമെന്ന് എഗ്രിമെന്റ് ചെയ്യുന്നു .ആറു മാസത്തിനുള്ളില്‍ ഈ പ്രോപ്പര്‍ട്ടി മൂന്നര കോടിക്ക് വില്കാന്‍ സാധിച്ചാല്‍ മുടക്കുമുതലിന്റെ നാലിരട്ടിയോളം നിങ്ങള്‍ക്ക് ലാഭം കിട്ടുന്നു.അതല്ല ഒരു മാന്ദ്യം വരികയും വിലകള്‍ കുറയുകയും ചെയ്താല്‍ നിങ്ങളുടെ മുടക്കുമുതല്‍ പൂര്‍ണമായും നഷ്ടം ആകുകയും ചെയ്യുന്നു.

   ട്രേഡ്,ലിവറേജ്,മാര്‍ജിന്‍,സ്വപ്  തുടങ്ങിയവയാണ് നമ്മള്‍ ഇന്ന് ചര്‍ച്ച ചെയ്തത് . ബാക്കി അടുത്ത ബ്ലോഗില്‍......

Risk Warning: Trading in forex and Contracts for Difference (CFDs) is highly speculative and involves a significant risk of loss. Such trading is not suitable for all investors so you must ensure that you fully understand the risks before trading. .

ഫോറെക്സ് CFD മാര്‍കറ്റ്‌  വളരെ സ്പെകുലടിവ്  ആയ ഒരു മേഖല ആണ് അത് കൊണ്ട് തന്നെ നിങ്ങളുടെ  investment പൂര്‍ണമായും നഷ്ടപ്പെടാനുള്ള സാദ്ധ്യതകള്‍ നിലനില്‍കുന്നു .അതിനാല്‍  പൂര്‍ണമായും നഷ്ടം വന്നാലും അത് നിങ്ങളുടെ ജീവിതത്തെ വിപരീതമായി ബാധിക്കാത്ത നീക്കിയിരുപ്പ് പണം മാത്രം ഈ രംഗത്ത് നിക്ഷേപിക്കുകയും പൂര്‍ണമായ ജാഗ്രതയോടെ പ്രവൃത്തിക്കുകയും ചെയ്യേണമെന്ന് അഭ്യര്‍ത്ഥിക്കുന്നു

  # ലേഖകന്‍ ഒരു ഫ്രീ ലാന്‍സ് ഐ ടി കണ്സല്‍ടന്റും, ഫോറെക്സ് ട്രേഡ്റും  ബ്ലോഗറും ആണ്  manojputhiyakunnath@yahoo.com എന്ന വിലാസത്തില്‍ ബന്ധപ്പെടാം

ഫിബൊനാച്ചി (FIBONACCI)

ലാഭം എടുക്കല്‍ ആണല്ലോ എല്ലാ വിപണിയുടെയും പരമമായ ലക്ഷ്യം , ഫോറക്സ് ട്രേഡ് അങ്ങിനെ തന്നെയാണ്. വിപണിയുടെ മൊത്തം ട്രെണ്ടിന് അനുസരിച്ച് ട്രേഡ് ചെയ്യുക എന്നാണ് വിപണിയെ ഒരു പരിധി വരെ എങ്കിലും നമ്മുടെ വരുതിയില്‍ ആക്കാനുള്ള മാര്‍ഗം .വിപണിയില്‍ എപ്പോള്‍ പ്രവേശിക്കണം എപ്പോള്‍ പിന്മാറണം എന്ന് നിര്‍ദ്ദേശിക്കുന്ന ഒട്ടനവധി ടൂളുകളെ നമുക്കറിയാം (MA,MACD, RSI തുടങ്ങിയവ. കൂടുതല്‍ വിവരങ്ങള്‍ക്ക് സൂചകങ്ങള്‍ എന്ന മുന്‍ പോസ്റ്റ്‌ കാണുക )മറ്റൊരു മാര്‍ഗമാണ് fibonacci.

ഫിബൊനാച്ചി: മാര്‍കറ്റ്‌ , ഫോറകസ്, സ്റ്റോക്ക്‌ തുടങ്ങി എല്ലായിടത്തും പ്രയോജനകരമാകയാല്‍ കൂടുതല്‍ കൂടുതല്‍ പേര്‍ ഇന്ന് fibonacci ട്രേഡ് പ്രായോജകര്‍ ആയി തീര്‍ന്നിട്ടുണ്ട് .

ഫിസിക്സില്‍ പ്രാവീണ്യമുള്ളവര്‍ക്ക് fibonacci എന്താണ് എന്നറിയുന്നുണ്ടാകും. അങ്ങിനെയല്ലാത്തവര്‍ക്കായി ഒരു ചെറു വിശദീകരണം തരാം . ലിയനാഡോ ഫിബോനച്ചി എന്ന ഇറ്റാലിയന്‍ മാത്തമാറ്റിഷ്യന്‍ കണ്ടു പിടിച്ച സംഖ്യകളുടെ ഒരു പ്രത്യേകതരം വര്‍ഗ്ഗീകരണത്തെ ആണ് fibonacci എന്നറിയപ്പെടുന്നത് .0,1,1,2,3,5,8,13,21,34,55,89..... ഇവയില്‍ ഒരക്കം തൊട്ടു മുന്‍പിലുള്ള രണ്ട്‌അക്കങ്ങളുടെ തുക ആയിരിക്കും. (അതായത് 2=1+1,,5=3+2,21=13+8 ....എന്നിങ്ങനെ ) ഇനി നമ്മള്‍ ഈ നമ്പറുകളുടെ റേഷ്യോ കണ്ടു പിടിക്കുന്നു . ഈ fibonacci റേഷ്യോ ആണ് നമ്മള്‍ ഉപയോഗിക്കുന്നത് (0.236, 0.382,0.500,0.618......) ഇത് കേട്ട് ഭയപ്പെടേണ്ട .നിങ്ങള്‍ ഇതൊന്നും ഓര്‍മയില്‍ വെക്കുകയോ കണക്കു കൂട്ടി കണ്ടു പിടിക്കുകയോ വേണ്ട . നിങ്ങളുടെ ട്രേഡ് പ്ലാറ്റ്ഫോം ല്‍ നിന്നും ടൂള്‍ സെലെക്റ്റ് ചെയ്യുകയും വരക്കാനുള്ള സ്ഥാനം കാണിച്ചു കൊടുക്കുകയും ചെയ്താല്‍ മതി. ഈ fibonacci ലെവലുകള്‍ നിങ്ങളുടെ സപ്പോര്‍ട്ട് , resistance രേഖകള്‍ ആകുകയും അത് വെച്ച് ഒരു ട്രെണ്ടിംഗ് മാര്‍കറ്റില്‍ ലാഭമെടുക്കാന്‍ സാധിക്കുകയും ചെയ്തേക്കാം .

എന്ത് കൊണ്ട് fibonacci കൃത്യമായി ഫലവത്തകുന്നു എന്ന് ആര്‍ക്കും അറിയില്ല . പക്ഷെ ലോകത്തുള്ള മിക്കവാറും എല്ലാത്തിലും അപ്ലൈ ചെയ്യാന്‍ പറ്റിയ ഒരു മാജിക് റേഷ്യോ ആണ് fibonacci . DNA MOLECULES , നമ്മുടെ ശരീരത്തില്‍ കണ്ണ് , കാത് ,കയ്യ് തുടങ്ങിയ അവയവങ്ങള്‍ തമ്മിലുള്ള അനുപാതം ,സൌരയൂഥത്തില്‍ ഗ്രഹങ്ങള്‍ തമ്മിലുള്ള ദൂരം തുടങ്ങിയവ ഉദാഹരണം . ഡാവിഞ്ചിയുടെ ചിത്രങ്ങളില്‍ ഈ റേഷ്യോ കാണാം .ഇതിലെ 0.618 ദൈവത്തിന്‍റെ സംഖ്യ എന്നാണ് അറിയപ്പെടുന്നത് ( ഡാവിഞ്ചി കോഡ് വായിച്ചിട്ടുണ്ടോ?)

ശ്രദ്ധിക്കേണ്ട കാര്യങ്ങള്‍ :ട്രെന്‍ഡ് ലൈനിന്‍റെ ബേസ് വരക്കേണ്ടത് നിര്‍ബന്ധമായും ഇടതു വശത്ത് നിന്നും വലതു വശത്തേക്ക് ആയിരിക്കണം . ഒരു ട്രെന്‍ഡ് അവസാനിച്ച് retracement തുടങ്ങി എന്ന് ഉറപ്പിച്ച ശേഷമേ fibonacci അടയാളപ്പെടുത്താന്‍ പാടുള്ളൂ.

എപ്പോഴെല്ലാം: ഒരു ബുള്ളിഷ് ട്രെന്‍ഡ് അവസാനിച്ച് മാര്‍കറ്റ്‌ തിരിച്ചു വരുമ്പോള്‍ സപ്പോര്‍ട്ട് ലൈനുകള്‍ മനസ്സിലാക്കാന്‍, അല്ലെങ്കില്‍ ഒരു ബീരിഷ് ട്രെന്‍ഡ് അവസാനിച്ച് മാര്‍കറ്റ്‌ മുകളിലേക്ക് വരുമ്പോള്‍ റസിസ്ടന്‍സ് ലൈനുകള്‍ മനസ്സിലാക്കാന്‍ .

WARNING: ഒരു മാര്‍കറ്റ്‌ ട്രെന്‍ഡ് 100% കൃത്യതയോടെ പ്രവചിക്കാന്‍ കഴിയില്ല യാദാര്‍ത്ഥ്യം ഇപ്പോഴും നിങ്ങളുടെ മനസ്സില്‍ ഉണ്ടാകണം. അത് കൊണ്ട് തന്നെ , നമുക്ക് ചെയ്യാന്‍ കഴിയുന്ന കാര്യം resistance, സപ്പോര്‍ട്ട് ഏരിയ കണ്ടു പിടിക്കുകയും അവ ബ്രേക്ക്‌ ആകുമ്പോള്‍ ഉചിതമായ നടപടികള്‍ എടുക്കുകയും ആണ് . ഒരു RESISTANCE ല്‍ നിന്നും അടുത്ത RESISTANCE ലേക്കുള്ള ദൂരം ഒരു ലാഭ ലക്ഷ്യമായി നമുക്ക് കണക്കാക്കാം . ഈ പോസ്റ്റ്‌ ഇവിടെ അവസാനിക്കുന്നു,

തുടക്കക്കാര്‍ക്ക് പ്രയോജനകരമാകുന്ന രീതിയില്‍ ഫോറകസ് ബേസിക് ഒരു പരമ്പര ആയി പോസ്റ്റ്‌ ചെയ്യണം എന്ന് വിചാരിക്കുന്നു .അടുത്ത പോസ്റ്റ്‌ അതായിരിക്കും

************************************ --------------------------********************************

ഫോറെക്സ് മാര്‍കറ്റ്‌ വളരെ ഉയര്‍ന്ന ലിവരേജില്‍ ഉള്ള ഊഹ കച്ചവടം ആയ ഒരു മേഖല ആണ് അത് കൊണ്ട് തന്നെ നിങ്ങളുടെ investment പൂര്‍ണമായും നഷ്ടപ്പെടാനുള്ള സാദ്ധ്യതകള്‍ നിലനില്‍കുന്നു .അതിനാല്‍ പൂര്‍ണമായും നഷ്ടം വന്നാലും അത് നിങ്ങളുടെ ജീവിതത്തെ വിപരീതമായി ബാധിക്കാത്ത നീക്കിയിരുപ്പ് പണം മാത്രം ഈ രംഗത്ത് നിക്ഷേപിക്കുകയും പൂര്‍ണമായ ജാഗ്രതയോടെ പ്രവൃത്തിക്കുകയും ചെയ്യേണമെന്ന് അഭ്യര്‍ത്ഥിക്കുന്നു

# ലേഖകന്‍ ഒരു ഫ്രീ ലാന്‍സ് ഐ ടി കണ്സല്‍ടന്റും, ഫോറെക്സ് ട്രേഡ്റും ബ്ലോഗറും ആണ് manojputhiyakunnath@yahoo.com എന്ന വിലാസത്തില്‍ ബന്ധപ്പെടാം

സൂചകങ്ങള്‍ (Trading Indicators)

ഫോറക്സ്‌ മാര്‍കറ്റ്‌ കൂരിരുട്ട് നിറഞ്ഞ ഒരു കൊടുംകാട് ആണെങ്കില്‍ അവിടെ നമ്മെ വഴി നടത്താനുള്ള മിന്നമിനുങ്ങുകളും മെഴുതിരി വെട്ടവുമാണ് സൂചകങ്ങള്‍ അഥവാ INDICATORS. ഒരു ട്രേഡര്‍ക്ക് ഒരു പാടു സൂചകങ്ങള്‍ ലഭ്യമാണെങ്കിലും പ്രധാനമായ നാല് സൂചകങ്ങളെ കുറിച്ചു ഒന്ന് മനസ്സിലാക്കാം .അവയാണ് MA (MOVING AVERAGE) RSI (RELATIVE STRENGTH index)STOCHASTICS and MACD(MOVING AVERAGE CONVERGING AND DIVERGING)

മാര്‍കറ്റ്‌ എപ്പോഴും ആവേശം ജനിപ്പിക്കുന്ന ഒരിടമാണ് പക്ഷെ എപ്പോഴും ഓര്‍ത്തിരിക്കുക ,നമ്മുടെ ഇക്വിറ്റി തീരുന്നത് വരെ മാത്രമേ നമ്മുടെ ആവേശത്തിന് നിലനില്‍പുള്ളൂ അത് കഴിഞ്ഞാല്‍ നിരാശ മാത്രമേ ബാക്കി ഉണ്ടാകുകയുള്ളൂ .അതുകൊണ്ട് തന്നെ ഇക്വിറ്റി നഷ്ടപ്പെടുത്താതിരിക്കുക എന്നതിനാണ് ലാഭമുണ്ടാക്കുക എന്നതിനേക്കാള്‍ ഒരു ട്രേഡര്‍ പ്രാധാന്യം കൊടുക്കേണ്ടത് .ഓര്‍മിക്കുക ചുമര്‍ ഉണ്ടെങ്കിലേ ചിത്രം എഴുതാന്‍ പറ്റുള്ളൂ (ഞങ്ങള്‍ക്ക് ചുമര്‍ വേണ്ട ഞങ്ങള്‍ കടലാസില്‍ അല്ലെങ്കില്‍ കമ്പ്യുടരില്‍ വരച്ചോളം എന്ന് പറയുന്നവര്‍ക്ക് തല്‍ക്കാലം വിട ) ....

പലപ്പോഴും പല ട്രേഡര്സിന്റെയും വിന്‍ഡോ ചാര്ടുകളെ കൊണ്ടും ഇന്‍ഡികറ്ററുകളെ കൊണ്ടും നിറഞ്ഞിരിക്കുന്നത്‌ കാണാം ,ഇത് ശെരിയായ നടപടി അല്ല.ഒന്നോ രണ്ടോ ഇന്‍ഡികറ്ററുകള്‍, സപ്പോര്‍ട്ട് റെസിസ്റ്റന്‍സ് രേഖകള്‍ ഇത് മാത്രമേ ആവശ്യമുള്ളു കുറച്ചുകൂടി പരിശീലനം ആയാല്‍ അതും വേണ്ടെന്നു വെക്കാം . വെറും ഒരു മെഴുകുതിരി ചാര്‍ട്ടില്‍ മാത്രം വിജയകരമായി ട്രേഡ്‌ ചെയ്യുന്ന നിരവധി പേരുണ്ട് . ശെരി നമുക്ക് മേല്പറഞ്ഞ സൂചകങ്ങളെ വിശദമായി ഒന്ന് പരിചയപ്പെടാം

MA ഒരു ട്രേഡ്ര്‍ക്ക് ട്രേഡ് അവസരങ്ങള്‍ കണ്ടെത്താനുള്ള ഒരു മികച്ച ഇന്‍ഡികറ്റര്‍ ആണ് മൂവിംഗ് ആവറേജ് .ഉദാഹരണമായി ഒരു ട്രെണ്ടിംഗ് മാര്‍കറ്റില്‍ ഒന്നിലധികം മൂവിംഗ് ആവറേജ് ഉപയോഗിച്ച് "വാങ്ങല്‍" "വില്പന " അവസരങ്ങള്‍ കണ്ടെത്താവുന്നതാണ്. ഒരു നിശ്ചിത കാലയളവിലെ ആവറേജ് വില ഒരു ലൈനില്‍ അവാഹിച്ചതാണ് മൂവിംഗ് ആവറേജ്.ഒരു 7 day MA & 21day MA നിങ്ങളുടെ ചാര്‍ട്ടില്‍ ചേര്‍ത്ത ശേഷം 7 day ലൈന്‍ 21 day ലൈനിനെ cross ചെയ്തു മുകളിലോട്ട് വരുന്നിടം ഒരു buy സിഗ്നല്‍ ആയി കണക്കാക്കാം അത് പോലെ തിരിച്ചു sale സിഗ്നലും കണ്ടെത്താം .(പ്രത്യേകം ഓര്‍ക്കുക ട്രെണ്ടിന് അനുസരിച്ച് മാത്രം ട്രേഡ് ചെയ്യുക)

RSI താഴെ നിന്നും വാങ്ങുക , മുകളില്‍ വില്‍കുക ലാഭമുണ്ടാക്കാന്‍ പ്രാഥമികമായ ഈ നിയമമാണോ നിങ്ങള്‍ പിന്തുടരുന്നത്? എങ്കില്‍ നിങ്ങള്‍കുള്ള indicator ആണ് RSI. ഇത് ഒരു ഓസിലേട്ടര്‍ ആണ് ഒരു പെന്‍ഡുലം പോലെ 0 യില്‍ നിന്നും 100 ലേക്കും തിരിച്ചും ചലിച്ചുകൊണ്ടിരിക്കുന്ന ഇതിനനുസരിച്ച് നിങ്ങള്‍ക്ക് തീരുമാനങ്ങള്‍ എടുക്കാം . ഉദാഹരണമായി 100 എന്നത് വാങ്ങല്‍ പൂര്‍ണമായ അവസ്ഥ ആണ് (over purchase) സ്വാഭാവികമായും ഇവിടന്ന് ഒരു തിരിച്ചു പോകലിന് ആണ് സാദ്ധ്യത അത് കൊണ്ട് ഇത് ഒരു വില്‍പനയ്ക്ക് (sale) അനുകൂലമായ സമയമാണ് . അതുപോലെ സൂചിക 20ല്‍ താഴെ വരുമ്പോള്‍ വാങ്ങുന്നതിനെ കുറിച്ചും ചിന്തിക്കാവുന്നതാണ് (ഓര്‍ക്കുക ട്രെന്‍ഡ് ,മറ്റു മാര്‍കറ്റ്‌ അവസ്ഥകള്‍ ന്യൂസ്‌ എന്നിവ കണക്കിലെടുത്ത് മാത്രമേ അന്തിമ തീരുമാനം എടുക്കാവു )

STOCHASTICS RSI പോലുള്ള മറ്റൊരു ഓസിലെറ്റര്‍ ആണ് ഇത് .പൂര്‍ണമായ വാങ്ങല്‍ ,വില്പന എന്നിവക്കിടയിലുള്ള ചലനം . %k,%D എന്ന രണ്ടു ലൈനുകള്‍ ആണ് ഇതും RSI ആയുള്ള വ്യത്യാസം .ഇത് നമുക്ക് ഒരു ട്രേഡ് സിഗ്നല്‍ ആയി ഉപയോഗിക്കാം ഉദാഹരണമായി %K ലൈന്‍ %D ലൈനിനെ cross ചെയ്തു മുകളില്‍ പോയാല്‍ അത് ഒരു STRONG buy സിഗ്നല്‍ ആയി കണക്കാക്കാം .

MACD വളരെ പ്രാധാന്യമുള്ള ഒരു ഒസിലെറ്റര്‍ ആണ് MACD ട്രെന്‍ഡ് ഉള്ളപ്പോഴും ഇല്ലാത്തപ്പോഴും ഒരു indicator ആണ് ഇത് . ഒരു സീറോ ലൈന്‍,macd ലൈന്‍ ,സിഗ്നല്‍ ലൈന്‍ ഇവ ചേര്‍ന്ന ഇവിടെ വാങ്ങല്‍ വില്‍ക്കല്‍ അവസരങ്ങള്‍ സൃഷ്ടിക്കുന്നു

ഒരു ട്രേഡ് നടത്തുമ്പോള്‍ തൊട്ടുമുന്‍പുള്ള നെഗറ്റീവ് പ്രൈസില്‍ സ്റ്റോപ്പ്‌ ലോസ്സ് ഇടുകയും അതിന്റെ ഇരട്ടി ലാഭം ഇടുകയും ചെയ്യുന്നതാണ്‌ ശെരിയായ രീതി . റിസ്ക്‌-രിവാര്‍ഡ റേഷ്യോ 1:2 ആയിരിക്കണം .അങ്ങിനെ വരുമ്പോള്‍ പകുതിയിലധികം ട്രേഡ് നഷ്ടം വന്നാലും മൊത്തം റിസള്‍ട്ട് പോസിറ്റീവ് ആകും. ഈ പോസ്റ്റ്‌ ഇതോടെ പൂര്‍ണമാകുന്നു fibonacci എന്ന അത്യധികം പ്രയോജനകരമായ ഒരു റ്റൊലിനെ കുറിച്ചുള്ള വിശദാംശങ്ങളും ആയി അടുത്ത പോസ്റ്റ്‌ ഉടനെ....... ************************************ --------------------------********************************

ഫോറെക്സ് CFD മാര്‍കറ്റ്‌ വളരെ സ്പെകുലടിവ് ആയ ഒരു മേഖല ആണ് അത് കൊണ്ട് തന്നെ നിങ്ങളുടെ investment പൂര്‍ണമായും നഷ്ടപ്പെടാനുള്ള സാദ്ധ്യതകള്‍ നിലനില്‍കുന്നു .അതിനാല്‍ പൂര്‍ണമായും നഷ്ടം വന്നാലും അത് നിങ്ങളുടെ ജീവിതത്തെ വിപരീതമായി ബാധിക്കാത്ത നീക്കിയിരുപ്പ് പണം മാത്രം ഈ രംഗത്ത് നിക്ഷേപിക്കുകയും പൂര്‍ണമായ ജാഗ്രതയോടെ പ്രവൃത്തിക്കുകയും ചെയ്യേണമെന്ന് അഭ്യര്‍ത്ഥിക്കുന്നു # ലേഖകന്‍ ഒരു ഫ്രീ ലാന്‍സ് ഐ ടി കണ്സല്‍ടന്റും, ഫോറെക്സ് ട്രേഡ്റും ബ്ലോഗറും ആണ് manojputhiyakunnath@yahoo.com എന്ന വിലാസത്തില്‍ ബന്ധപ്പെടാം